MARIA GORETE JOAQUIM “J-TRESS’’
Maria Gorete Joaquin “J-Tress” Inan Lolotoe-Bobonaro, Aman husi Manatuto. Gorete nudar heroina ne’ebe mesmu ho idade foin sae, brani dedika-an tomak ba servisu klandestina hodi haruka informasaun sekreta rutina ba gerileiros sira iha ai-laran iha medio invazaun Militar Indonezia mais ou menus iha 1977-1979. Gorete hetan kapturasaun husi Militar Indonezia iha nia hela fatin Taibesi bainhira estafeta ida ho naran Saudozo Antonio Kuluhun TNI sira tiru mate iha Fatuk Hun-Besilau/Aileu wainhira estafeta refere koko atravesa Aileu ba Ermera ho dokumentus/surat-surat nakonu iha moxila laran. Estafeta ne'e Militar sira hakoi duni iha nia mate fatin, Fatuk-Hun/Besilau no Gorete hetan kapturasaun iha tempu ne'eba hodi dadur iha Santai-Ho/toko Marina no agora Western Union Kolmera iha tinan sira ne’ebe mensiona iha leten. Depois liu husi interogasaun no torturasaun oin-oin, ikus mai ita nia Heroina Maria Gorete Joaquim (J-Tress) la-fila fali ba famil...
